Депутаттық фракциялардың қызметін белсендіру, партияға деген қоғамдық сенімді арттыру, мәслихат депутаттары мен мемлекеттік органдардың ашық және тиімді диалогы және тағы да басқа мәселелер Көкшетауда өткен барлық деңгейдегі мәслихаттар депутаттарының I Ақмола облыстық форумында талқыланды. Форум жұмысына Ақмола облысының әкімі Марат Ахметжанов қатысты.
Форумның ашылуында облыс әкімі Марат Ахметжанов Мемлекет басшысы жүргізіп жатқан реформалар – бұл елді дамыту жөніндегі іс-қимылдардың салыстырып тексерілген және кешенді стратегиясы екенін атап өтті.

«Депутаттардың алдында халықтың өткір мәселелерін шешу бойынша бірінші кезектегі міндет тұр. Сіздер өңірдегі оң өзгерістердің жетекшісі болуларыңыз керек. Біздің алдымызға Президенттің тапсырмасын орындау және мемлекеттік бағдарламаларды іске асыру бойынша міндеттер қойылды», – деп атап өтті өңір басшысы.

Сондай-ақ, облыс әкімі өңірде жүргізіліп жатқан жұмыстар және 10 айдың қорытындысы бойынша әлеуметтік-экономикалық даму қорытындылары туралы айтып берді.

Өнеркәсіптік өндіріс көлемі 1,4 трлн теңгені құрады. Облыс экономикасына 7% өсіммен 530,1 млрд теңге инвестицияланды. Құрылыс жұмыстары, пайдалануға берілген тұрғын үй, бөлшек сауда көлемі артты.

Агроөнеркәсіп кешенінің саласында мемлекеттік қолдау көрсетілді, ол табиғи факторлардың теріс салдарын барынша азайтуға және келер жылы егін егу науқанына сапалы дайындалуға мүмкіндік береді. Астана агломерациясының жаңа кешенді жоспарының жобасы әзірленді, онда 1 трлн теңгеге 303 іс-шара қарастырылды.

Облыстық мәслихат жанындағы фракция басшысы Айнагүл Балташева мен Көкшетау қалалық мәслихатының төрағасы Дастан Әкімов жол картасын, партиялық жобаларды іске асыру, бұйрықтардың орындалуы, партия жанындағы қоғамдық қабылдаулар мен кеңестердің жұмысы, Көкшетау қалалық мәслихатының оң жұмыс тәжірибесі туралы баяндап берді.

Форумда облыстық экономика және бюджеттік жоспарлау басқармасының басшысы Алмагүл Шүгірмақова

«AMANAT» партиясының сайлауалды бағдарламасының жол картасын іске асырудың барысы туралы айтып берді. Мысалы, орындалған іс-шаралар шеңберінде жаңа өнеркәсіптік объектілер іске қосылды. Бұл 455 жаңа жұмыс орнын ашу және 4 жел электр станциясын салу арқылы «Макинск құс фабрикасы» ЖШС инженерлік инфрақұрылымымен жұмыс істеп тұрған құс фабрикасының өндірістік қуатын жылына тірі салмақта 100 мың тоннаға дейін ұлғайту жөніндегі жобалар. 5 сүт-тауар фермасы және 46 ет фермасы іске қосылды.

Мемлекеттік қолдаудың нәтижесінде іскерлік белсенділік артып, жастар кәсіпкерлігі үшін жағдай жасалуда. «Ауыл Аманаты» жобасы бойынша облыста шамамен 1,1 млрд теңге сомасына 200-ден астам кредит берілді.
Жалпы, жетінші шақырылған Ақмола облысының депутаттық корпусы 209 депутаттан тұрады.

Салтанатты ашылу рәсімінен кейін форум жұмысы панельдік секцияларда жалғасты. Олардың біріншісінде экономика, әлеуметтік қорғау, өнеркәсіп, кәсіпкерлік, туризм, ауыл шаруашылығы, ТҮКШ және құрылыс, экология, табиғи ресурстар бойынша тақырыптар талқыланды, екіншісінде әлеуметтік сала мәселелері қаралды.

Облыс әкімінің баспасөз қызметі