Ақмола облысында су тасқыны қаупі өтті. Бірлескен жұмыстың нәтижесінде 25 елді мекенде екі мың тұрғын үйді су басуына жол берілмеді, су тасқынынан зардап шеккендерге келтірілген залал барынша азайтылды.
Су тасқынына қарсы іс-шараларға азаматтық қорғаныс жүйесінің, Ұлттық ұланның, Ішкі істер органдарының үш мыңнан астам қызметкері және бір жарым мыңға жуық арнайы техника жұмылдырылды. Облыстағы елді мекендерді қорғау үшін ұзындығы 45 км жер үйінділерімен 300 мыңға жуық инертті материал салынған қаптар дайындалды.
Су тасқынына қарсы күрестің алдыңғы қатарында Ақмола, Жамбыл облыстары және Шымкент қаласы Төтенше жағдайлар департаменттерінің қызметкерлері, Мәлік Ғабдуллин атындағы азаматтық қорғау академиясының курсанттары мен офицерлері, 5510 әскери бөлімінің жеке құрамы, полиция қызметкерлері мен еріктілер болды.
Көктемгі су тасқыны өткен күрделі және ауқымды учаскелердің бірі – Атбасар ауданы. Қазіргі уақытта Жабай өзеніндегі су деңгейі 2,8 метрге дейін төмендеді.
Бүгін Атбасар қаласында су тасқынын жоюға қатысушыларды салтанатты түрде шығарып салу рәсімі өтті.
Ақмола облысының әкімі алғысын білдіріп, бірлескен күш-жігер су тасқынының ең жоғары кезеңдерін аз шығынмен өткізуге мүмкіндік бергенің атап өтті.
Бірлескен және жедел күш-жігердің арқасында біз су тасқынының ауыр зардаптарын болдырмауға және ең бастысы — адамдардың өмірін сақтап қалуға қол жеткіздік. Бұл істе азаматтық қорғау және ішкі істер, қорғаныс органдарының қызметкерлері үлкен жұмыс атқарды. Сіздер өз міндеттеріңізді абыроймен орындадыңыздар – адамдардың өмірін, қауіпсіздігін және құқықтарын қорғадыңыздар. Біздің азаматтарымыздың тыныштығы, олардың өз әл-ауқатына деген сенімі бірінші кезекте сіздірдің сыни сәттердегі іс-әрекеттеріңізге байланысты, – деді М. Ахметжанов.
Су тасқыны кезінде еріктілер, тұрғындардың өздері және кәсіпкерлер де үлкен көмек көрсетті.
Өңір басшысы қалпына келтіру жоспарларына тоқталды.
–Қазір қалпына келтіру жұмыстары басталды. Үйлер, инженерлік инфрақұрылым салу бойынша көп жұмыстар атқаруымыз керек. Бұл бағытта біз кезең-кезеңмен жұмыс істей бастадық. Бірінші кезекте су басқан ауылдарға көлік қатынасы ашылды, барлық өтініш білдірушілерге біржолғы төлемдер басталды, материалдық шығындар есептелуде. Су тасқынынан зардап шеккендердің ешқайсысы да назардан тыс қалмайды, – деді облыс әкімі.
Атбасар қаласының тұрғыны Екатерина Матрос жауап сөз сөйледі, ол өз кезегінде барлық құтқарушыларға алғысын білдірді.
Айта кетейік, Атбасар ауданында авариялық-құтқару жұмыстарына 400-ге жуық адам қатысып, 70-тен астам бірлік арнайы техника жұмылдырылды.
Қазіргі уақытта облыс бойынша негізгі сыни кезең өткенімен, екі өңірде, Жарқайың және Есіл аудандарында су тасқыны жағдайы тұрақты-шиеленісті режимде сақталып отыр.
Өңірлердегі су тасқыны жағдайы үнемі бақылауда. Жергілікті атқарушы органдардың және азаматтық қорғаудың күштері мен құралдарымен елді мекендерді су басуға жол бермеуге және халыққа келтірілген залалды барынша азайтуға бағытталған барлық қажетті су тасқынына қарсы іс-шаралар жүргізіліп жатыр.
Елді мекендерді қорғау үшін ұзындығы 44 мың метр үйінділер тұрғызылып нығайтылды, 3 млн текше метрден астам су сорылды, 300 мыңнан астам инертті материал салынған қапшықтар төселді, 85 км-ден астам каналдар мен арықтар тазартылды және тереңдетілді, 1443 су өткізу құрылыстары тазартылды.
Авариялық-құтқару жұмыстарына 1432 адам, 280 техника, 16 жүзу құралдары, 68 мотопомпалар жұмылдырылды.
ТЖ департаменттерімен, полиция департаментімен және әскери қызметшілермен өзара іс-қимыл аясында су тасқынына қарсы іс-шараларды жүргізуді күшейту үшін қосымша күштер мен құралдар жұмылдырылды. Мәлік Ғабдуллин атындағы азаматтық қорғау академиясының курсанттары мен офицерлері белсенді көмек көрсетуде. Сондай-ақ, су тасқыны салдарын жоюға еріктілер де қатысуда.
18 мыңнан астам мал уақтылы эвакуацияланды, бұл су тасқыны кезеңінде олардың өліміне жол бермеуге мүмкіндік берді. Бүгінгі таңда эвакуацияланған 2580 тұрғын үйлеріне оралды. Облыстағы су тасқыны жағдайы төтенше жағдайлар туындаған жағдайда тұрақты бақылауда.
Ә.ӨРНЕКТІ.