Қазақстан Республикасының Президенті Қ.К. Тоқаевтың аумақтарды абаттандыру және көгалдандыру жөніндегі тапсырмасына сәйкес «Таза Қазақстан» республикалық экологиялық акциясы басталды.
9 сәуір күні акцияны өткізу аясында «Көкшетау қаласының мәдениет, тілдерді дамыту, дене шынықтыру және спорт бөлімі» ММ қызметкерлері Халықаралық ескерткіштер мен тарихи орындар күніне арналған «Киелі мекен» акциясына қатысты.
Бұл күні Тілдерді оқыту орталығының қызметкерлері жазушы, публицист Смағұл Сәдуақасовтың бюстін ретке келтірді, қалалық ақпараттық кітапхана жүйесінің қызметкерлері белгілі кеңестік, партия қызметкері Еркін Әуелбековтің ескерткішін тазартты, ал «Достар» мәдениет сарайының мамандары қоғам қайраткері, ауыл шаруашылығы саласының дарынды қызметкері Төлеу Сүлейменовтің бюстін балшықтан жуды.
Акциядан кейін ескерткіштер жаңарып, тиісті көрініске ие болды.
«Көкше-ақпарат».